الله يعطيك العافيه على طرح هذا الموضوع
بالنسبه لي انا لا تعجبني هذه الخدمة ابدا ولا احس ان لها اي فائدة سوى هدر الاموال وعمل علاقات وتشتيت المشاهد ونشر الكلام السخيف والغير المفيد والكلام الفاضي زي ما يقولون
وانا لست مشترك ولا افكر ابدا بالاشتراك لانه مثل ما قلت مضيعة للمال والوقت في امر تافه
وبالنسبه لي الاحظ ان غالبية المشتركين من النساء
وطبعا كل الشغله سواليف وهذره من بين الاسئله البايخة والطلبات السخيفة الي يطلبونها من بعض
كيف الحال وابي اتعرف ؟؟؟؟؟.........
والله يعافيكم الي عندها خلطة تبييض الركبة ؟؟؟؟...........
ياناس زوجي بيتزوج علي دلوني وش الحل ؟؟؟؟؟..............
والي تقول ابي خلطه تسمن ؟؟؟؟؟؟؟؟.............
والي تقول حماتي طلعت في راسي هل اسممها وش رايكم ؟؟؟؟؟؟...........
بذمتكم هذا شات ؟؟؟؟ هذا كلام ينقال ؟؟؟؟؟؟؟
هذي سواليف يقولونها قدام العالم ؟؟؟؟؟
عاد بعض السواليف والله انا اخجل من ذكرها هنا
فكيف هالنساء وهالعالم صغار العقول يهدرون وقتهم ومالهم في مثل هالكلام الفاضي
و احيانا نجد بعض الردود على الاسئله التي تدل على استخفاف الناس وكذبهم على بعض
يعني انا اتذكر ان احد النساء قالت انها شافت بالشات وحده كاتبه ياناس انا زوجي يطلع ويسهر ولا يرجع الا متاخر وانا مللت وش اسوي عطوني حل ؟؟؟؟
تدرون وش ردت عليها وحده ؟؟؟ تقول سوي الي سويته والله اني مسكت زوجي وضربته لين قال امين والله انه ماعاد كررها ولا صار يطلع من البيت !!!!!!!!!!!!!!!!!!!!!!!!
الحين بذمتكم هذه تدعوها لخراب بيتها ولا لصلاحه
لو الشات الي يردون فيها من اهل الاصلاح الاجتماعي او احد الشيوخ والحكماء بنقول معليه مقبول
لكن مايرد ولا يكتب فيها الا الناس الفاضيه الي ماعندها لاعلم ولا حكمه وردودهم تدل على استخفافهم بمن يسال ويشتكي
فالحقيقه انا اشوف ان ضررها اكبر من نفعها اذا كان لها في الاصل نفع
صراااحه انا لا اايدها بتاتا هذه الخدمه لانها لا تقدم شي مفيد او كان لها اثر جيد على المشاهد
بالعكس احيانا يكون فيها كلام غير جيد وغير سليم وقد يكون تاثيره اكبر مما يتواجد بالقناه نفسها
بحكم ان من يكتبون في الغالب من مجتمعاتنا
هذا رايي واعتذر الحقيقه على الاطاله
الف تحيه وتقدير لك اخي
السبت 5 يوليو - 14:01
